لو بتشطب شقتك ومحتاج تركب شبابيك وابواب الوميتال بتكون محتار في اختيار نوع الالوميتال واختيار الألوان ولما بتروح تسأل عن الأسعار بتلاقي فى اختلاف كبير في سعر المتر.
ليه فيه تفاوت في أسعار الالوميتال... ؟
في المقال ده هتلاقي اجابه لكل سؤال يخص مجال الالوميتال في مصر
بسبب كثرة ورش تصنيع الالوميتال والتغيير المستمر في أسعار خامات الالوميتال أصبحت المنافسه على إعطاء سعر ارخص
اولا تعرف على انواع الالوميتال
قطاع السعد اقدم وارخص قطاع موجود في مصر.
قطاع ps بي اس ويوجد منه جرار، مفصلي، قلاب وهو قطاع منتشر في مصر
قطاعات الشريف على حسن جامبو، تانجو، سوناتا، سامبا وهو افضل قطاع موجود في مصر
كل قطاع ليه مواصفات خاصه وسعر خاص علشان فيه اوزان وشركات سحب كتير كل شركه بتصنع سحب معين خصوصا في قطاع البي اس ممكن تلاقي عود حلق جرار بي اس صغير وزن ٤ كيلو وعود تاني وزنه ٨ كيلو وده سبب من اسباب اختلاف اسعار متر الالوميتال للأبواب والشبابيك في ورش ومصانع ومعارض بيع الالوميتال كمان الاكسسوار فيه أنواع كتير مضروبه
مثال لو سألت عن سعر شباك الوميتال مقاس ١ متر فيه واحد يقولك ١٤٠٠ جنيه وواحد تاني يقولك ١٢٠٠ جنيه
الأول شغال بخامه تقيله واكسسوار كامل والتاني شغال بخامه خفيفه بتوفر معاه في الشباك حوالي ٣٠٠ جنيه يعني بيكسب اكتر وبتاخد منه خامه رديئه
قبل ما تتفق على تصنيع وتركيب شبابيك وابواب
اسأل عن سمك القطاع واسم شركة السحب
اسال عن نوع الألوان
اسأل عن نوع الاكسسوار
اسأل عن نوع الزجاج
حاول تنفذ شغلك عند حد فاهم وليه اسمه وبيراعي ضميره
اكتب عقد تصنيع فيه كل المواصفات المطلوبة والمبلغ المتفق عليه
مواصفات شغل محترم يجب توافرها
سمك قطاعات الالوميتال يجب الا يقل عن ١.٢م
نوع الاكسسوار الكينج
نوع الألوان دوليه
نوع الزجاج سنجوبان
© copyright 2019 – جميع الحقوق محفوظة
.
.
تعليقات
إرسال تعليق