زياده جديده في أسعار خامات الألومنيوم والاكسسوارات والزجاج ادت الي ركود في جميع الأعمال، ويوجد ورش ومصانع ستخسر الكثير ولاتستطع الالتزام بتنفيذ ما اتفقت عليه.
تكلفة جميع انواع الالوميتال زادت بنسبه كبيره ودا سيؤدي الي رفع السعر على العميل وتقليل الخامات يعني لو شباك الوميتال كان بيتنفذ ب ١٣ كيلو حاليا هيدور الفني على اوزان خفيفه علشان يعرف يكسب وخصوصا لو كان متفق على الشغل من فتره لما كانت اسعار الخامات رخيصه.
علشان تركب شغل الوميتال مظبوط احرص على السؤال عن سمك الألومنيوم ونوع الاكسسوار ونوع الألوان ونوع وسمك الزجاج، لان الفترة القادمة ستشهد ارتفاع في أسعار خامات الألومنيوم والاكسسوارات والزجاج، كمان حاول تنفيذ شغلك عند حد ثقه مش بيوفر في الخامات مقابل سعر رخيص ويفضل كتابة مقاسات ومواصفات الشغل المطلوب في ورقه وتسأل في اكتر من مكان مثلا ورشة او مصنع او معرض بيع الوميتال وتشوف الخامات على الطبيعه علشان تعرف الفرق بين الخامات والاسعار
دايماً العميل بيسأل عن سعر الشبابيك الالوميتال او سعر متر المطبخ بدون التفكير حتى في كيفية حساب سعر المتر، أسعار الالوميتال في المطابخ والشبابيك والابواب تختلف من مكان لآخر ويتم تحديد السعر من خلال نوع القطاع والمواصفات والمقاسات غير كدا بيكون سعر مقابل خامه.
© copyright 2019 – جميع الحقوق محفوظة
.
.
تعليقات
إرسال تعليق