في الفترة الأخيرة ارتفعت اسعار الالوميتال في المطابخ والشبابيك والابواب بشكل كبير جدا، وكمان مع ارتفاع الأسعار انتشرت خامات كتير مضروبه وعلشان كل الخامات بعد الألوان بتكون نفس الشكل أصبح الأمر صعب جدا عليك كعميل انك تفرق بين الأصلي والمضروب، انتشرت خامات مضروبه علشان ناس معندهاش ضمير عايزه تكسب اكتر وتضرب السوق، خلي بالك الشبابيك والابواب مفهاش مكسب كبير يعني لما تلاقي حد عملك عرض سعر أقل من الطبيعي اعرف انه بيركب خامات خفيفه واكسسوار مضروب، مفيش حاجه اسمها سعر أقل من السوق، كل حاجه في المجال محسوبه كويس جدا ولاننا كفنيين بشتري الألومنيوم بالوزن مش بالمتر طبيعي يكون فيه ناس بتوفر في الأوزان، لو شباك متر في متر قطاع بي اس صغير مثلا وزنه الطبيعي ١٠ كيلو، وعند حد تاني وزن الشباك ٨ كيلو فكدا وفر ٢ كيلو، وحضرتك بتفرح بفرق ٥٠ جنيه في المتر.
شغل الالوميتال ليه مواصفات حضرتك لازم تهتم بيها زي مثلا وزن الألومنيوم وسمك القطاع المستخدم ونوع الاكسسوار ونوع وسمك الزجاج، لأن الخامات الخفيفة بتحتاج صيانة كتير ودايما بيكون التقفيل مش مظبوط. وحاول تعرف طريقة حساب سعر الالوميتال في المطابخ والشبابيك والابواب.
السعر الرخيص غالبا بيكون خامات مضروبه او سرقه في المقاسات
© copyright 2019 – جميع الحقوق محفوظة
.
.
تعليقات
إرسال تعليق