فيه ناس كثير بتسأل عن الفرق بين upvc والالوميتال من حيث قوة الخامه والسعر.
طبيعي يكون كل نوع له مميزات وله عيوب حضرتك كاعميل لازم تعرف مميزات وعيوب كل نوع قبل ما تقرر تشتري نوع معين، سواء شبابيك أو أبواب.
مقارنة بسيطه بين الالوميتال و upvc للشبابيك والابواب.
الالومنيوم هي الاساس وهي الام
والبي في سي العصري والمستقبل
* الالوميتال صلب وقوي يعني تركب اي مساحة كبيرة منه مش هيلب ولا هيقوص ولا هيتمدد ولا هينكمش
* البي في سي مرن وبرضه قوي عشان الحديد بس برضه مش زي الالوميتال وليه مقاسات محدودة ولو ركبت مساحات كبيرة لا فواصل دعم ولو قطاعات مش كويسة ممكن يتمدد مع الحرارة العالية بتاعة الشمس وده من ضمن الاسباب اللي البي في سي لازم يتحطله حديد دعم
* الالوميتال بيخش فرن عشان يتلون يعني مع العمر هيقشر او هيتخربش
* البي في سي مطبوخ يعني جوه زي برة
* الالوميتال قطاعاته كتير جدا ومتنوعة وكل ما تشتهيه هتلاقيه
* البي في سي محدود في قطاعاته وخاصة عندنا في مصر
* الالوميتال لو اتعرض لحريق قوي ميحصلوهوش حاجة نهائي غير الالوان هتروح بس
* البي في سي هيسيح او هيتحرق مع النار القوية جدا
* الالوميتال بيتجمع
* البي في سي بيتلحم يعني الزوايا استحالة تفك الا بالكسر وفي زوايا في الالوميتال نضيفة عمرها طويل
* الالوميتال بيعزل ضوضاء وحرارة ومياه بنسب معينة ولو قطاعات نضيفة زي الالوميل هيعزل اعلي ولكن بحكم التجميع برضه بنسب معينة
* البي في سي بيعزل اقوي وبالاخص المفصلي بحكم اللحام والكاوتشات والتقفيل وطبعا المادة وغير كده وكده الاكسسوارات اللي بتحكم الغلق
* الالوميتال لو حصله فك زوايا او مشاكل تانية سهل الصيانة ماعدا طبعا لو حصل حاجة في اللون
* البي في سي لو حصله كسر او حرق لازم يروح ورشة او شركة ماعدا برضه اللون لان ده مش هيحصله حاجة
* الالوميتال بيملح مع العمر
* البي في سي لا
من الاخر كده الاتنين ليهم مميزات وليهم عيوب والالوميتال اللي ضيع جزء كبير من سوقه هما الصنايعية والناس اللي معندهاش ضمير والقطاعات اللي اضربت وخفوا وزنها وبقي كل من هب ودب بيلعب في الخامة والبي في سي لله الحمد جاي في السكة
في قطاعات في الالوميتال تتفوق علي البي سي في شغلها واللي بيبوظها الصنايعية
وفي قطاعات في البي في سي براويز علي الحيطة وبرضه اللي بيسوء سمعتها الصنايعية والشركات معدومي الضمير
ولو وقع اختيارك علي اي من الاتنين وجبت حد معندهوش او مش صنايعى اعرف ان سمعة المنتج اللي اخترته وقعت من نظرك علي ايديه
ولكن لما تحب تقارن سواء في ده ولا ده قارن بين شخصين واحد عنده ضمير في شغله وواحد لا
كلمات دلالية:الفرق بين upvc والالوميتال,الفرق بين الالوميتال و upvc,الفرق بين بي في سي والمنيوم,ايه الفرق بين الألومنيوم و upvc,الفرق بين الالوميتال وpvc,الفرق بين upvc وpvc,الفرق بين الالوميتال والبي في سي,الفرق بين الالوميتال والشمونيوم,ايه الفرق بين الألوميتال واليو بي في سي,الفرق بين الوميتال ps صغير وكبير,الفرق بين الألومنيوم و upvc,الفرق بين الخشب والألوميتال,الفرق بين الشبابيك الألومنيوم و يو بي سي,يو بي في سي والالوميتال,الفرق بين الألومنيوم وpvc
© copyright 2019 – جميع الحقوق محفوظة
تعليقات
إرسال تعليق