كل ما تريد معرفته عن الشبابيك والابواب الالوميتال
اسعار وانواع قطاعات الالوميتال فى مصر
 |
| شبابيك الوميتال مفصلى وجرار |
كتير من الناس بيسأل عن سعر متر الالوميتال فى الابواب والشبابيك، بدون السؤال المهم وهو نوع الالوميتال ومواصفات الشغل المطلوب علشان كدا بنسمع اسعار كتيره فى الشبابيك والابواب الالوميتال، وصعب تلاقى ورشتين الوميتال جنب بعض عندهم نفس الاسعار، بالاضافة الى كثرة ورش الالومنتال فى مصر فمعظم الصنايعية جدد فى الصنعة اشتغلو فى ورش وتعلمو ولو حاجة بسيطة وقررو فتح ورشة لحسابهم الخاص، واصبحت المنافسة بين اصحاب ورش الالوميتال فى مصر منافسة على السعر الاقل مش منافسة على صنعة كويسة تشرف العميل والصنايعى، ويساعد فى تدهور مجال الالوميتال فى مصر جشع التجار فى زيادة الاسعار باستمرار وضخ اوزان الوميتال خفيفة واكسسوار مضروب لكسب الصنايعية اللى بيضربو السعر فى السوق.
تابع المقال سبب تفاوت اسعار الالوميتال
خلى بالك سعر شبابيك او ابواب الوميتال رخيص يساوى خامه مضروبة وصنعة مش كويسة دا طبيعى اسال على المواصفات والخامات قبل السعر روح اكتر من ورشة او مصنع كل مكان هتسال فيه هيزودك بمعلومة انت مش عارفها، كمان السعر العالي مش دليل على شغل نضيف ومظبوط ممكن يكون السعر مبالغ فيه، وده هتعرفو لما تسأل في اكتر من مكان
عايز تعرف افضل انواع الشبابيك الالوميتال ؟
عايز تعرف مواصفات شبابيك وابواب الوميتال ؟
عايز تعرف سعر متر الالوميتال فى الشبابيك والابواب ؟
كل دا هشرحوا بالتفصيل فى المقال ده واى استفسار انا تحت امرك
اولا مواصفات الشغل المطلوب هتفرق كتير فى السعر يعنى لو عايز خامه تقيله واكسسوار اصلى غير الخامه الخفيفة والاكسسوار المفروض المنتشر فى السوق المصرى
مواصفات شبابيك الوميتال
شباك الوميتال جرار خامه تقيله زجاج سنجل
شباك الوميتال جرار خامه تقيله زجاج دبل
شباك الوميتال جرار خامه تقيله زجاج دبل وجورجيا
شباك مفصلى باندا خامه تقيله زجاج سنجل
شباك مفصلى باندا خامه تقيله زجاج دبل
شباك مفصلى باندا خامه تقيله زجاج دبل وجورجيا
شباك مفصلى عادى درف زجاج سنجل او دبل وسلك ثابت
شباك قلاب بفتحة شفاط للمطبخ او الحمام
باب حمام وده ليه مواصفات كتير
باب بلكونة سواء مفصلى او جرار
كل حاجه لها سعر لازم تحدد انت محتاج ايه علشان تاخد سعر مظبوط والخامه التقيله لا تقل عن 1.4 ملى سمك
المقصود بزجاج دبل هو طبقتين زجاج سمك كل طبقة 6 ملى بينهم فراغ 6 ملى ويتم تقفيل الطبقتين بمادة وحقنهم بغاز ارجوان لعزل الصوت وحفظ الحرارة اما الجورجيا فهى معدن استنالس يتم وضعه بين طبقتين الزجاج لعطى شكل مميز
 |
| باب بلكونة مفصلى باندا زجاج دبل جورجيا |
ثانيا افضل انواع الشبابيك والابواب فى مصر هى قطاعات الشريف على حسن و الوميل فهى قطاعات تتميز عن غيرها بالشكل الهندسى الانيق وهى اثقل فى الوزن من اى قطاعات اخرى كما توفر الحماية الكاملة من الاتربة وتعتبر كاتمه للصوت نوعا ما عن باقى القطاعات ومتوفر اكسسوارات خاصه بهذه القطاعات، متوفر منها شبابيك وابواب جرار دبل زجاج وسنجل، شبابيك وابواب مفصلى باندا او عادى دبل زجاج وسنجل، شبابيك قلاب التى تستخدم فى الحمامات والمطابخ.
خلى بالك متوفر فى السوق قطاعات الشريف على حسن سحب شركة حكيم اخف فى الوزن ولكن نفس الشكل مش هتعرف تفرق بينهم.
بعد قطاعات الشريف على حسن متوفر فى مصر قطاع بى اس ps فيه منه كبير وصغير وهو من القطاعات المشهورة فى مصر نظرا لسعره المنخفض اذا قارنته بقطاعات الشريف و الوميل
خلى بالك قطاع بى اس متوفر منه سحب شركات كتير منها الخفيف جدا والثقيل افضل شركات السحب فى قطاع بى اس ps بالترتيب سحب شركة السلام، سحب شركةحكيم، سحب شركة انتر كايرو باقى الشركات اوزان خفيفة.
ثالثا اسعار الشبابيك والابواب الالوميتال فى مصر، طبيعى يكون فى اختلاف فى سعر متر الالوميتال طلما فى خامات كتير فكل واحد شغال بخامه مقتنع انه بيكسب منها وهنا دور العميل مهم فى اختيار خامه نضيفة واكسسوار اصلى.
سعر متر الالوميتال فى الابواب والشبابيك بتاريخ 1 / 6 / 2021
سعر متر الالوميتال قطاعات الشريف على حسن يترواح ما بين 2000 جنيه للمتر الى 2700 جنيه
سعر متر الالوميتال فى الشبابيك والابواب قطاع بى اس ps صغير يتراوح ما بين 1200 جنيه الى 1600 جنيه
سعر متر الالوميتال فى الشبابيك والابواب قطاع بى اس ps كبير يتراوح ما بين 1500 جنيه الى 2000 جنيه
هذه اسعار خامات تقيله واكسسوار اصلى
هذه الاسعار على حسب نوع العمل المطلوب
هذه الاسعار فى تغيير مستمر فى حسب سعر الخامات
هذه الاسعار شاملة الالوان والاكسسوار والنقل والتركيب
© copyright 2019 – جميع الحقوق محفوظة
تعليقات
إرسال تعليق