اى حد بيفكر يعمل مطبخ بيسال على سعر متر المطابخ ودائما بتلاقى اختلاف فى اسعار المطابخ حتى لو نفس النوع ممكن تلاقى حد شغال بسعر 2500 جنيه للمتر وحد تانى شغال 1500 جنيه للمتر.
علشان تعرف الفرق بين اسعار المطابخ الالوميتال يبقى لازم تعرف مكونات المطبخ والخامات المستخدمة فى صناعة المطابخ الالوميتال.
1_ قطاع الالومنيوم وده بيكون الشاسية وللاسف فيه خفيف وتقيل مش موحد فى الوزن
2_ حشو المطبخ ودا بيكون فايبر او كلادنج او uv وفيه منه درجات كتير
3_ اكسسوار المطبخ وهو مفصلات ، مجر درج ، مقابض .... وطبعا درجاته كتير
نصائح تفصيل مطبخ
علشان تنفذ مطبخ الوميتال بجودة عالية وكمان سعره مناسب وعلشان محدش يستغل عدم معرفتك بانواع الخامات خلى بالك من الاتى.
1_ لازم تسأل عن سمك الالومنيوم وكمان وزن اعواد الالومنيوم لو علب 2.5 يبقى ضرورى يكون وزن العود اكتر من 1.5 كيلو ووزن عود الضلفة اكتر من 2 كليو، لو اقل من الاوزان دى يبقى مطبخ ردئ جدا والدرف كلها هتتفك من مكانها لان التثبيت هيكون ضعيف
2_ ضرورى تسأل عن نوع حشو المطبخ لو كان فايبر بالكامل يبقى الافضل يكون نوع سالوميل لو كلادن يبقى ضرورى يكون كيتشن وحاول تبعد تماما عن الانواع الصينى لانها انواع رديئه جدا ومع الوقت هتبوظ من الحرارة والمياه
3_ بالنسبة للاكسسوار ابعد عن الانواع الصينى والغير معروف مصدرها واختار مجر درح ومفصلات ايطالى ونوع المقابض يكون استانلس تقيل
4_ اهم شئ علشان محدش يضحك عليك اختار حد شغال متر مربع لانك بكده هتاخد حقك ومش هتدفع فلوس زيادة ودى الطريقة الصحيحة لحساب سعر متر المطابخ
5_ اختار حد ثقة علشان مش هتعرف تفرق بين الخامات الاصلية والخامات المقلدة
6_ اختار حد متخصص لانه عنده خبرة هتفيدك فى اختيار مطبخ مناسب
7_ حاول تكتب عقد تصنيع او تاخد فاتورة علشان تضمن حقك فى الصيانة فى اى وقت
8_ اهم شئ فى المطبخ هو الدهانات تأكد من الدهانات تكون فى شركة محترمة علشان متقشرش بعد فتر من الاستخدام
© copyright 2019 – جميع الحقوق محفوظة
.
.
تعليقات
إرسال تعليق