ليه تخلي حد يستغلك وانت ممكن تحسب شغلك بنفسك بدون زياده او نقص.
لو بتفكر تركيب شبابيك وابواب او مطبخ الوميتال، الطبيعي انك بتسأل عن سعر المتر فبتسمع اسعار كتير للالوميتال سواء مطابخ او ابواب وشبابيك، وبتكون محتار مين اللي سعره مظبوط واحد غالي والتاني سعره رخيص، علشان تعرف سعر المتر في اعمال الالوميتال يحب اولا معرفة انواع الالوميتال لانه فيه أنواع كتير جدا وله مواصفات كتير حتى لو نفس القطاع هتلاقي منه أوزان خفيف وتقيل وانواع اكسسوار كتير أيضا، حدد حضرتك عايز خامه تقيله ولا خامه خفيف وسعر رخيص، وبعدين حدد مواصفات شغلك، يعني مثلا عايز الشغل مفصلي باندا ولا جرار لانه هيفرق في سعر المتر للابواب والشبابيك، وحدد نوع وسمك الزجاج وهل هو سنجل ولا دبل، ولو شغل مطابخ حدد النوع المطلوب لان كل نوع ليه سعر ومواصفات خاصه به، لو سألت عن سعر متر الالوميتال من غير مواصفات هتسمع اسعار كتير وهتكون في حيره وغالبا هتختار ارخص سعر.
ازاي تعرف تكلفة شغل الالوميتال المطلوب
حدد تكلفة شغلك في الالوميتال من خلال المقاسات والمواصفات، يعني هتاخد مقاس الشقه لو شبابيك وابواب من داخل الشبابيك طول في عرض والناتج يضرب في سعر المتر المتفق عليه.
مثال / لو عندك باب بلكونة مقاس ٢ متر عرض في ارتفاع ٢ متر يبقى مساحة باب البلكونه ٤ متر، لو سعر المتر حاليا ١٤٠٠ جنيه يبقى تكلفة باب البلكونه ٥٦٠٠ جنية شامل الألوان وجميع الاكسسوارات والنقل والتركيب.
مثال / لو عندك مطبخ مقاس ١٦٠ سم فوق وتحت كم تكلفة المطبخ بالكامل وازاي تحسب سعر المطبخ؟
جميع اعمال الالوميتال تحسب بالمتر المسطح يعني تقيس عرض في ارتفاع، المطبخ مقاس عرض ١٦٠ سم فوق وتحت بيتحسب كالتالي.
١٦٠ عرض في ارتفاع ٩٠ سم تحت=١٤٤ سم
١٦٠ عرض في ارتفاع ٦٠ سم فوق =٩٦سم
يبقى الناتج كله ٢٤٠ سم لو سعر متر المطبخ حاليا ٢٠٠٠ جنية يبقى المطبخ كامل يتكلف ٤٨٠٠ جنية
احسب شغل الالوميتال بنفسك علشان محدش يستغلك لانه ممكن حد يريحك في السعر ويسرق في المقاسات.
© copyright 2019 – جميع الحقوق محفوظة
تعليقات
إرسال تعليق