كتير من الناس بيحب يسأل عن سعر الالوميتال في اكتر من مكان سواء معرض او ورشة الوميتال ودايما بيلاقي اختلاف في سعر متر الالوميتال في كل مكان بيسأل فيه، وطبعا من غير ما يعرف سبب مقنع لاختلاف الأسعار بيتفق مع صاحب ارخص سعر.
اسباب اختلاف اسعار الالوميتال في الشبابيك والابواب والمطابخ الالوميتال.
في البدايه لازم حضرتك تعرف ان الالوميتال خامات كتير حتي في نفس النوع هتلاقي شغل خفيف وتقيل واكتر من نوع اكسسوار، ولاننا كورش بتشتري خامات الألومنيوم بالوزن فتلاقي ناس بتشتري خامات خفيفه، وكمان لازم تعرف ان سعر المتر بيتحدد من المقاسات ومواصفات الشغل المطلوب، متفرحش بالسعر الرخيص لانه هيكون خامه خفيفه او سرقه في المقاسات.
*من أهم اسباب اختلاف سعر المتر في الالوميتال هو اختلاف الخامات وللأسف معظم الورش بتشتري خامات خفيفه واكسسوار رخيص علشان يعوض فرق السعر ويفرحك بسعر رخيص
*تاني سبب من اسباب اختلاف الأسعار في ورش ومعارض بيع الالوميتال هو طريقة حساب الأمتار يعني الاغلبيه بيوحد المقاسات بمعني انه لو عندك شباك مقاس ١٤٠ بيحسبه ١٥٠ وهكذا فتلاقي في النهايه زياده في مقاسات الشقه مش اقل من متر وحضرتك بتكون فرحان بالسعر الرخيص.
*سبب اخر من اسباب اختلاف الأسعار وهو الفنش يعني ممكن تلاقي مساعد في ورشة فتح مكان خاص بيه بدون خبره كافيه عن طريقة شغل الالوميتال وطريقة شراء الخامات واشتغل وهو علشان ياخد شغل يضرب في السعر وممكن يتفق على شغل بأقل من التكلفة.
نصائح مهمه لشراء الوميتال بسعر مناسب
حدد مواصفات شغلك كامله
أسأل عن نوع الخامه والإكسسوارات
أسأل في اكتر من مكان وشوف الخامه بنفسك
قارن السعر الإجمالي ومساحة شغلك
متفرحش بالسعر الرخيص
اتعامل مع مكان ليه اسمه وبيتابع شغله
اكتب عقد لضمان حقك فيما بعد
© copyright 2019 – جميع الحقوق محفوظة
تعليقات
إرسال تعليق