السؤال المهم لأي عميل هو بكام سعر متر الشبابيك او بكام سعر المتر في المطابخ.
علشان تعرف اجابه واضحة للسؤال لازم تعرف انواع الالوميتال والمواصفات اللي من خلالها بيتم تحديد سعر الشباك او سعر المطبخ.
اولا لازم حضرتك تكون عارف ان الالوميتال فيه خامات كتير خفيف ووسط وتقيل وبما ان الصنايعية او ورش تصنيع الالوميتال بتشتري الألومنيوم بالوزن فطبيعي تلاقي حد بيشتغل بخامه خفيفة علشان يوفر في الخامات ويعطيك سعر اقل. كما فيه اختلاف كبير في طريقة حساب الأمتار يعني الاغلبيه بيحسب الاقل من متر يحسبه متر كامل وكمان ممكن يوحد المقاسات، مثال لو شباك مقاسه ١٤٠ سم × ٩٠ سم تلاقيه حاسبه ١٤٠ سم علطول في سعر المتر المتفق عليه مع ان تكعيب الشباك هو ١٤٠ × ٩٠ = ١٢٦ سم فقط يعني مزود على حضرتك ١٤ سم ودا مبلغ كبير لو حسبته في سعر متر الالوميتال، كمان الوزن لو الصنايعي اشتغل بخامه خفيفة هيوفر حوالي من ٤٠٠ الي ٦٠٠ جنية في كل متر .
نصيحه: اشتري من مكان تصنيع موثوق فيه وشوف الخامه بنفسك وقارن سمك ووزن الخامات، كمان حدد مواصفات شغلك كامله عند الاتفاق وممكن تطلب عينه من الخامات علشان تستلم الشغل بعد التنفيذ على العينه، وممكن تطلب كتابة عقد اتفاق لضمان حقك.
اسعار الالوميتال في الشبابيك والابواب والمطابخ
سعر المتر على خامات تقيله واكسسوار كامل شامل التوصيل والتركيب
سعر المتر قطاع بى اس صغير يبدأ من ٣٢٠٠ جنية
سعر المتر قطاع بى اس كبير يبدأ من ٣٧٠٠ جنية
سعر المتر قطاع تانجو الشريف يبدأ من ٤٣٠٠ جنية
سعر المتر قطاع جامبو الشريف يبدأ من ٥٥٠٠ جنية
اسعار المطابخ الالوميتال
سعر متر المطبخ الوميتال يبدأ من ٣٧٠٠ جنية
سعر متر المطبخ كلادنج دواخل فايبر يبدأ من ٤٥٠٠ جنية
سعر متر المطبخ كلادنج بالكامل يبدأ من ٤٩٠٠ جنية
سعر متر المطبخ خشمنيوم يبدأ من ٥٥٠٠ جنية.
© copyright 2019 – جميع الحقوق محفوظة
تعليقات
إرسال تعليق