غالبا بيكون فيه اختلاف في أسعار الالوميتال سواء في المطابخ او الشبابيك والابواب وده طبيعي لانه الالوميتال انواع كتير ومواصفاته كتيره.
لكن لما تسأل عن نفس الخامه والاكسسوارات وتلاقي فيه اختلاف في السعر من مكان لمكان اخر ده له أسباب كتير.
تعرف على سبب اختلاف سعر متر الالوميتال في مصر
اهم اسباب الاختلاف فى اسعار الالوميتال
معظم الناس اللي بتسأل على أسعار المطابخ الالوميتال او الأبواب والشبابيك بتسأل على الأسعار بدون ما تعرف المواصفات كل ورشةالوميتال شغاله بخامه معينه ولها طريقه عمل مختلفه يعني على سبيل المثال احنا بنشتغل قطاع بي اس سحب شركه السلام او حكيم ودي شركات أوزان الألومنيوم تقيله وكمان بنركب اكسسوارات اصلي كامله وأسعار شغلنا شامله النقل والتركيب، فيه حد ممكن يكون شغال بخامه خفيفه واكسسوار مضروب وبيحمل العميل تكلفة النقل فالعميل قبل تنفيذ الشغل يسأل في اكتر من مكان يلاقي أسعار مختلفة ده بسبب اختلاف الخامات واختلاف نضافة الشغل، تانى حاجه لما حضرتك تسال على سعر الالوميتال لازم تكون عارف ايه المواصفات اللى حضرتك محتاجها لانه فى مواصفات كتيرفي كل نوع من انواع الالوميتال ممكن تسال على شباك الوميتال مثلا بى اس او تكنال او الوميل فيه من كل الانواع دى مفصلى, مفصلى باندا, جرار, قلاب, وكل دول ممكن يكون سنجل او زجاج دبل وثالث سبب من اسباب اختلاف سعر متر الالوميتال هو مقاسات الشغل كل ما يكون المقاسات كبيره بتقل تكلفه الخامه يعني لو شباك مقاس ٢ متر بياخد نفس اكسسوار شباك مقاس متر فكدا توفير للفني وممكن ينزل سعر متر الالوميتال،رابع سبب من اسباب اختلاف الالوميتال في السعر هو مهارة الفني في تصنيع الالوميتال فيه فني سريع وفيه ناس بطيئه فبتكون تكلفة التصنيع عاليه، كمان شراء الخامه جمله دا عامل مؤثر في تحديد سعر المطبخ او الشبابيك والابواب للعميل.
ملحوظة : علشان تستلم شغل مظبوط ومحدش يستغفلك
اعرف مواصفات الشغل اللى محتاجه
اسال فى اكتر من مكان علشان تاخد معلومات
اسال على اوزان الالوميتال وشركة سحب الالومنيوم
اسال على نوع الاكسسوار
اتفق على ميعاد التسليم
اكتب عقد تصنيع مع الفنى عشان تضمن حقك
تابع الروابط التاليه
مواصفات شبابيك وابواب الوميتال
طريقة تحديد سعر متتر الالوميتال
© copyright 2019 – جميع الحقوق محفوظة
تعليقات
إرسال تعليق